சுயநலமாக இருக்கும் இந்த மாய உலகில், பொதுநலவாதியாக அவதரித்து ,மாயப் பிடியில் சிக்கிக் கொண்டிருக்கும் மனித குலத்தை வேரோடு மாற்ற, மெய்ஞ்ஞான வாதியாக தோன்றி, தன் பிறவியின் காரணத்தை கண்டு உணர்ந்து ,மக்களுக்கு சேவை செய்தலே மிகவும் உயர்ந்த மார்க்கம் என்று, "மக்கள் சேவையே மகேசன் சேவை" என்பதில் திண்ணமாக இருப்பவர் எங்கள் உயர் மிகு குரு டாக்டர். விமலா தேவி அம்மா அவர்கள் . ஆரம்ப காலத்தில் மக்கள் சேவை என்றாலே, மருத்துவ சேவை என்பார்கள். அதனால் மருத்துவம் பயின்று, மருத்துவ வழியில் மக்களுக்கு நன்மை செய்தார். பின் அவ்வழியானது, உடல் நோயை மட்டுமே தீர்க்கும் துறையாக இருந்தது .ஆனால் பெரும்பாலான மக்களிடம் உடல் நோயை காட்டிலும், மனநோய் அதாவது மனதில் எண்ணற்ற குப்பைகளில் கூடாரம் இருப்பதை அறிந்த நம் அன்னை, மக்களுக்கு முழு சேவை அதாவது உடல் ,மனம் இரண்டும் தூய்மை பெறும் மிக உன்னத மார்க்கமான, "மெய்ஞானம் "என்ற புனித கடலை தேர்ந்தெடுத்து, மக்களின் நலனை தன் பிறவியின் காரணமாக கொண்டு முன்நோக்கி புறப்பட்டார். ஓருயிர், ஈருயிர் போன்றவையும் வாழும் இப்பூமியில் "மனிதன்" என்ற உன்னத ஜனனத்தின் உண்மைத்தன்மையை அனைவரும் அறிந்து செயல்பட வேண்டும், என்பதே அவரின் நோக்கம். பிறகு கடவுள் என்ற நான்கு எழுத்து க்குள் அடங்கிக் கிடக்கும் எல்லையற்ற பிரபஞ்சத்தையும், ஆன்மா என்ற புனிதமான ஆற்றலையும் ,அறிந்து செயல்பட்டு தன்னைத்தானே உள்கடந்து தனக்குள் மறைந்திருக்கும். ஒரு பொக்கிஷ சக்தியை, அனைவரும் கண்டு உணர ஒரு சரியான வழி தடத்தை ஏற்படுத்துவதே அவரின் பிரதான எண்ணமாக இருந்தது. ஏதோ பிறந்தோம், வளர்ந்தோம், வாழ்ந்தோம் பின் இறந்தோம் ,என்ற சாதாரண வாழ்க்கையே அனைவரின் எண்ண ஓட்டம். உன் பிறவிப்பயனை நீ கண்டு உணர்ந்து, அதற்கு ஏற்ப கடவுள் பரிசளித்த இந்த இனிமையான வாழ்க்கையை, எவ்விதமான மன சஞ்சலமின்றி அதன் போக்கில் செயல்படுத்த வேண்டும் என்பதே நம் அன்னையின் எண்ண அலைகள் ஆகும். உன்னை நீ அறிந்து வெல்ல வேண்டும் என்றால், முதலில் உண்ணுள் இருக்கும் "நான் "என்ற அகந்தை யை அகற்ற வேண்டும். எப்பொழுது ஒருவன்,அகந்தையற்று இருக்கின்றானோ, அப்பொழுது அவன் உண்மை வாழ்க்கையை நோக்கி அடியெடுத்து வைக்கின்றார் .இது போன்ற உன்னத நிலையை ஒருவன் அடைய வேண்டும் என்றால் ,அவனின் முன்ஜென்ம, கர்ம, வினைகள் தீர வேண்டும். இதுபோன்ற வினைகள் தீர வேண்டும் எனில், முற்றும் உணர்ந்து, அகந்தையற்று, இதற்காகவே தன் புண்ணிய வாழ்க்கையை அர்ப்பணிக்கும் ஒரு உன்னத குருவால் மட்டுமே இது சாத்தியம். எங்கள் குரு டாக்டர். விமலா தேவி அன்னை அவர்கள், இந்த உயர்ந்த மகத்தான பணியை தன் மூச்சாகக் கொண்டு செயல்பட்டு வருகிறார்.