இன்றைய சமுதாயம் நவீன நுகர்வு கலாச்சாரத்தில் மூழ்கி கொண்டிருக்கிறது. மேலும் இன்றைய சூழல் போட்டிகள் நிறைந்த ஒரு பரபரப்பான நிலையில் இருக்கிறது .பணம் சம்பாதிப்பதற்காக எது வேண்டுமானாலும் செய்து கொள்ளலாம் என்ற நிதானம் இல்லாத போக்கு நிலவுகிறது. மனிதன் தன்னை நிலைநிறுத்திக்கொள்ள சர்வைவல் பண்ணுவதற்கு பிறரை அழிக்கவும் துணிகின்றான். இத்தகைய விலங்கியல் மனநிலையில் இருந்து மனிதனை மீட்கவும், நெறிப்படுத்தவும் தோன்றியதே வழிகாட்டலும், அறிவுரை பகிர்தலும் ஆகும். அதாவது கைடன்ஸ் அண்ட் கவுன்சிலிங் என்ற துறை ஆகும். இத்துறை மனிதனின் தேவையும் இயலாமையையும் புரிந்துகொண்டு அவற்றை நிறைவேற்றித் தரும் வழிமுறைகளை ஆராய்ந்து கூறும் துறையாக உலகளாவிய நிலையில் சிறந்து விளங்குகிறது. தமிழ் சமூகச் சூழலில் வழிகாட்டலும் அறிவுரை பகிர்தலும் இருப்பினும் இது பற்றிய கொள்கைகள், கருத்துக்கள் இல்லாதது போலவும் ,புதிது போலவும் நிலவுகிறது. இதை நினைத்தால் மனம் மிகவும் வருத்தத்திற்கு உள்ளாகிறது .ஆனால் வழிகாட்டலும் அறிவுரை பகிரதலும் சங்க கால ஆற்றுப்படை நூல்கள் முதல் தற்கால இலக்கியங்கள் வரை பண்பாட்டு நிகழ்வாக ஓர் அறச்செயலாக இருந்தமை இலக்கியங்களின் வாயிலாக அறிய முடிகிறது. அவ்வடிப்படையில் சித்தர் பாடல்களில் இடம்பெறும் வழிகாட்டல் மற்றும் அறிவுரை பகிர்தல் குறித்த செய்தியை இங்கே சிறிது பார்ப்போம்.வழிகாட்டலும், அறிவுரை பகிர்தலும் பற்றி கூறுவோர் குறிப்பாக கல்வி மற்றும் உளவியல் சார்ந்த தளத்தில் ஆர்தர் ஜே.ஜோன்ஸ், ப்ரோ மற்றும் குரோ ருத்ரான் மற்றும் ஜார்ஜ் போன்ற மேலைநாட்டு அறிஞர்களின் கருத்துக்களை எடுத்துரைத்து அவற்றிலிருந்து இத்துறை சார்ந்த பணிகளை தொடங்கினர் .ஆனால் தமிழ் இலக்கியங்களை காலம் தோறும் இத்தகைய பணியினை செய்து வந்துள்ளனர். அந்த வகையில் சித்தர் பாடல்களில் இடம் பெறும் வழிகாட்டல் அறிவுறை புகழ் குறித்து சிந்தனையை விளக்குவதை இங்கே நீங்கள் பார்க்கலாம்.